Kia Ora Pēpi

Kohikohia ngā kākano, whakaritea te pārekereke, kia puāwai ngā hua.

Ko tēnei te āhua o tēnei pūrākau. Ka whai atu mātou i te wheako o te tamaiti nei me tāna teina hou. E tutaki ana mātou ki tōna whānau whānui, ā, ko tāna whakaputa mōhio o tōna aroha nui ki tana teina.

Tangata ākona i te kāinga, tū ana ki te marae tau ana.

He nui te aroha, whakakoha rangatiratanga, whakahāpai i te tuakiri o te tangata i tēnei whānau whānui mai i te whārangi tuatahi tae noa ki te whārangi whakamutunga. Ko ēnei uara te huarahi teitei ki te whānau nei i te pūrākau nei.

He tino ātaahua ngā whakaahua, he maha ngā tae pīata, he maha hoki ngā mea iti i ia whārangi a te pukapuka kia tautoko ai i te pūrākau kia kimi ai ngā kaipānui.

He pukapuka tapawhā roa tēnei. He pai tēnei āhua mō te whakapakari o ngā whakaahua.

Kāore tēnei pukapuka he wāhanga nō tētahi punipuni puka, he whakaputanga anō hoki.

Kāore te kaituhi, kaiwhakaputa i whakarite i ētahi pitopito kōrero mā ngā kaiako hei hoa haere mō te pukapuka.

Ka pai te pukapuka nei ki ngā whānau, ki ngā māmā hapū, ki ngā tamariki tuakana i te tatari tonu ki tā rātou teina hou.