He Tārū Kahika

Kāore anō a Ua kia tūtaki i a Rā, kāore anō a Rā kia tūtaki i a Ua. E ai ki ngā kapua me tūtaki rāua i a rāua, heoi kei te whakamā a Ua ki te kōrero ki a Rā, kei te whakamā hoki a Rā ki te kōrero ki a Ua. Ahakoa te akiaki o ngā kapua, ka wehe tētahi i te wā ka puta atu tētahi atu. Tūtaki rawa atu rāua, ka puta tētahi aniwaniwa hei tohu i te hoahoatanga .

He pukapuka pīwari rawa tēnei! Nā Isobel Joy Te Aho-White ngā pikitia whakaari hei whakanikoniko i ngā kupu. I miharo ki āku tamariki ngā tohu Māori e huna ana i ngā whakaahua, pērā i ngā taniwha me te waka Māori i te moana. Nā Pania Papa te pakitara I whakamāori. Ko tētahi o ngā painga o tēnei pukapuka ko te kuputaka hei whakamārama atu i ngā kupu hou.

Tino pārekareka tēnei pukapuka ki åku tamariki. E ai ki āku tamariki ko te whakaaro nui o tēnei pukapuka, ko te whakahoahoa ki tangata kē. He kōrero akiaki hoki ki ngā tamariki kia māia ki te kōrero i te tūtakitanga o tangata kē. He pukapuka pai tēnei mā ngā tamariki nohinohi me te whānau, mā te Te Kōhanga Reo me ngā tau 1-2 i te kura