I Waho, i te Moana

Kātahi anō au ka mau i tēnei pukapuka ‘I Waho, i te Moana’. He pukapuka ngohe tēnei, he tika mā ngā ringaringa nonohi. I tae mai tēnei pukapuka i roto i tētahi pēke hangarua nā ‘Aku Paki Taiao’. He tino pai rawa atu tēnei pukapuka mā ngā tamariki o Te Kohanga reo me Te Kura Tuatahi. Kei te hākete pukapuka e kitea ana, ko tētahi māmā kekeno me tētahi tamaiti i ngā rae pīata o Tamanuiterā i raro i te moana. Ka whakaputa te aroha mahana, te kuku o te manawa nā tēnei whakaahua peita waikano ātaahua. Kī ana tēnei pūrākau i ngā momo reo māori whakarākei. He tauira “ te hana o te rā…te huinga o au kaha….e marino tō ana”.

He pai te kōrero tuaruatanga. Kei ia whārangi, he iti te kupu, he mamate te momotuhi, ētahi kupu tūmahi me te kōrero whakahoki kaha momotuhi. He pūkenga tuhi ēnei kei te mate haere. Kei te tino rata au ki te whare pōrukuruku ki ia whānau o tēnei pūrākau. Kia haumaru ia punua kia pātaitia atu ki ō rātou mātua ā whai mai ngā punua i ngā tohutohu a ō rātou mātua. E tohu mai ana ēnei whakakoha rangatiratanga e pā ana ki tō tātou kaitiakitanga o te Taiao, ngā moana, ā tātou tamariki hoki. Poipoia te kākano, kia puāwai. Tēnei te mihi ki te kaituhi ki te mātauranga tuku iho i te whakamutunga o te pukapuka. Kia whakapakari ai i ō mātou mātauranga e pā ana ki ēnei uri o Tangaroa.

Ko te manu e kai ana te miro, nōna te ngahere.

Ko te manu e kai ana te mātauranga, nōna te ao.