Te Pukapuka ka Kore e Pānuihia

Ko tēnei pukapuka e pā ana ki tētahi tamaiti kāre i tino aro ki te pānui, e whiriwhiri ana i tētahi pukapuka mai i te pae pukapuka, tērā mea whakamere, kāore i tino hiahia ki te pānui hoki.

I tino harikoa ahau ki te manawataki o te kōrero, ki te ngahau me te tākarokaro me te heahea i a au, anō he kōrero tino pono, e whakaatu ana i te mārama ki te wheako o ētahi tamariki ki te pukapuka me te pānui.
Ngā Kaha - He maha ngā huarahi e hono ana ki te kōrero. Ka mau tonu te kōrero he tikanga o te ngahau puta noa. Ko ngā tohutohu heahea, kupu rere, ngā tōkena haunga, ngā kūpā he toa nui ki ahau, tērā pea mō te nuinga o ngā tamariki hoki. “Kia ngotongoto taku arero, kia mahia he kanohi hātakehi.”

Ngā ngoikoretanga - Ko te rārangikupu mō ētahi o ngā kupu hei āwhina mā te kaipānui kāore e kitea ana kei muri o te pukapuka. Hei tauira - mātāpunenga = encyclopedia.

Whakaahua/ngā pikitia - He māmā, he ātaahua, a, e whakaatu ana i ngā uauatanga me te āhua o ngā kupu me ngā pikitia ki te rapu i ētahi tamariki i te whārangi.

Ki taku whakaaro ka pai tēnei pukapuka ki ngā tamariki e pai ana ki te kata me te katakata tīhohehohe i te wā e pānui ana. Ko ngā tamariki kāore i te pai ki te pānui, ka uaua rānei ki te pānui mō ngā take maha ka pā atu ki tēnei pukapuka. Anō hoki, ko ngā tamariki e haere ana ki te kura kua kīa kia turituri he wā wahangū... E mōhio ana ahau ka tino harikoa rātou i te wā e pānui ana i tēnei paki!